„ღიმილი, ესაა სახის გამომეტყველება, რომელიც პირის ორივე მხარეს წარმოიქმნება კუნთების მოხვრით და გამოხატავს ბედნიერებას ან სიამოვნებას“
მინდა გაჩუქო ღიმილი … გაზაფხულივით სურნელოვანი, სიოსავით ნაზი და თაფლივით ტკბილი. დიახ, მინდა გაჩუქო ღიმილი და არაფერი სხვა, იმიტომ, რომ ეს ის საუნჯეა, რაც გამაჩნია, ეს ჩემი სულის ნაწილია, ჩემი პოზიტივის განმსაზღვრელი და ემოციის გამოხატულებაა.
მე მათბობს შენი ღიმილი და მჯერა, რომ ჩემიც გაგათბობს, მჯერა, რომ პოზიტიურ ენერგიას დიდი ძალა აქვს და რაც უფრო მეტს გასცემ, მით მეტი გიგროვდება, ის ბუმერანგივითაა და ყოველთვის უკან მოდის შენთან, თანაც მაშინ, როცა ყველაზე მეტად გჭირდება.
გაიღმიეთ ადამიანებო 🙂
ეს ადვილია,
ეს შესაძლებელია,
ეს დაგეხმარებათ 🙂
გაუზიარეთ თქვენი სითბო სხვებს – იქნებ მათ ეს როგორ სჭირდებათ…
მე მჯერა, რომ ღიმილს სასწაულმოქმედი ძალა აქვს და ბევრი რამის შეცვლა შეუძლია
მჯერა, რომ ღიმილი წარმატების საწინდარია
მჯერა, რომ ღიმილი რაღაც ახლის დასაწყისია
მჯერა, რომ ღიმილი საუკეთესო მოგონებების უძირო სკივრია
მჯერა, რომ ღიმილი ამშვენიერებს ადამიანს
მჯერა, რომ ნებისმიერ სიტუაციაში, შეიძლება იპოვო მიზეზი და გამონახო ძალა გაღიმებისთვის
მჯერა, რომ ღიმილი გადამდებია
ყოველთვის გაიღიმე! მაშინაც კი, როდესაც სევდიან განწყობაზე ხარ, ვიღაცას შეიძლება შენი ღიმილი შეუყვარდეს. (მარკესი)
გაიყოლეთ ღიმილი ადამიანებო
ის უფასოა 🙂
ნინიკოს ბლოგი 
🙂